حضرت محمد ﷺ نے فرمایا:کہ قیامت کی نشانیوں میں

حضرت انس رضی اللہ عنہ سے روایت ہے کہ انہوں نے ( قتادہ) سے کہا (آج) میں تم سے ایک ایسی حدیث بیان کروں گا کہ میرے بعد کوئی تم سے بیان نہیں کرے گا میں نے رسول اللہ ﷺ سے سنا آپ فرماتے تھے کہ قیامت کی علامتوں میں سے ایک علامت یہ بھی ہے۔ کہ علم کم ہوجائے اورجہل غالب آجائے اور ز ن ا اعلانیہ ہونے لگے او ر عورتوں کی کثرت اور مردوں کی قلت ہوجائے گی ، یہاں تک پہنچے کہ پچاس عورتوں کا تعلق صرف ایک مرد سے ہوگا۔ حضرت عائشہ رضی اللہ عنہا سے روایت کرتے ہیں انہوں نے بیان کیا کہ ایک عورت اپنی دوبیٹیوں کے ساتھ مانگتے ہو ئی آئی، اس نے میرے پاس سوائے ایک کھجور کے کچھ نہیں پایا،

تو میں نے وہ کھجور اسے دیدی۔ اس عور ت نے اس کھجور کو دونوں لڑکیوں میں بانٹ دیے اور خود کچھ نہیں کھایا۔ پھر کھڑی ہوئی اور چل دی ، جب نبی کریم ﷺ ہمارے پاس آئے تو میں نے آپ ﷺ سے بیان کیا آپ نے فرمایا: کہ جو کوئی ان لڑکیوں کے سبب سے آز مائش میں ڈالا جائے تو یہ لڑکیاں اس کے لیے آگ سے حجاب ہوں گی۔ رسول اﷲ صلی اللہ علیہ وسلم نے ارشاد فرمایا: (سچا) مسلمان وہ ہے جس کے ہاتھ اور زبان (کے ضرر) سے مسلمان محفوظ رہیں۔ مہاجر وہ ہے جو اُن کاموں کو چھوڑدے جن سے اﷲ نے منع کیا ہے۔رسول اﷲ صلی اللہ علیہ وسلم نے ارشاد فرمایا: آپس میں بغض نہ رکھو، حسد نہ کرو، پیچھے پیٹھ برائی نہ کرو،