پاکستان میں ایک سے بڑھ کر ایک گاڑیاں سڑک پر چلتی نظر آتی ہیں مگر ان میں سے کتنی رجسٹرڈ ہیں اس کے بارے میں کچھ کہا نہیں جا سکتا۔
یہی وجہ ہے کہ اب نیشنل ہائی ویز اینڈ موٹروے پولیس نے عوام الناس کو آگاہ کیا ہے کہ ملک بھر میں غیر رجسٹرڈ گاڑیوں کیخلاف کریک ڈاؤن جاری ہے۔
لہذٰا نیشنل ہائی ویز اور موٹروے پر سفر کرنے سے پہلے اپنی گاڑی کے تمام کاغذات چیک کر لیں اور کریک ڈاؤن سے بچنے کیلئے اپنی گاڑیوں کی رجسٹریشن جلد از جلد کروا لیجیے۔
اس کے علاوہ یہاں آپکو یہ بھی بتاتے چلیں کہ پاکستان میں کئی ایسی گاڑیاں موجود ہوتی ہیں جو دوسرے ممالک سے درآمد کروائی جاتی ہے اور انکی کسٹم ڈیوٹی کچھ لوگ حکومت پاکستان کو ادا نہیں کرتے۔
جس کی وجہ سے یہ گاڑیاں رجسٹرڈ نہیں ہو پاتیں اور اسی قسم کی گاڑیوں کیخلاف یہ کریک ڈاؤن جاری ہے۔
