ڈیرہ اسماعیل خان (نیوز ڈیسک) خیبر پختونخوا میں بلدیاتی انتخابات کے پہلےمرحلے کی13 اضلاع میں ہونے والی ری پولنگ کے نتائج آنے کا
سلسلہ جاری ہے۔ ڈیرہ اسماعیل خان میں سٹی میئر کی نشست پر وفاقی وزیر علی امین گنڈا پور کے بھائی تحریک انصاف کے امیدوار عمر امین گنڈا پور کو
برتری حاصل ہے۔نجی ٹی وی کے مطابق ڈیرہ اسماعیل خان میں میئر کی نشست پر ہونے والے الیکشن میں 302 میں سے 60 پولنگ سٹیشنز
کے نتائج سامنے آگئے ہیں۔غیر حتمی اور غیر سرکاری نتائج کے مطابق تحریک انصاف کے عمر امین گنڈا پور کو 11 ہزار 864 ووٹوں کے ساتھ برتری حاصل ہے۔ جمعیت علماء اسلام ف کے امیدوار کفیل نظامی 6،925ووٹوں کے ساتھ دوسرے جب کہ پیپلز پارٹی کے فیصل کریم کنڈی 5،858 ووٹ لے کر تیسرے نمبر پر ہیں۔
