اسلام آباد(نیوز ڈیسک) واضح رہے کہ کئی روز سے سوشل میڈیا پر خاتون اول بشری بی بی کے بارے میں نازیبا مواد شیئر کیا جا رہا تھا اور بے ہودہ زبان استعمال کی جا رہی تھی جس پر حکومت کی جانب سے سخت ردعمل سامنے آیا تھا۔ تاہم اب خاتون اول بشری بیگم کی دوست فرح خان نےبڑا بیان جاری کر دیا ہے۔
اور تمام افواہوں کی تردید کرتے ہوئے کہا ہے کہ خاتون اول میرے گھر قطعاً قیام پذیر نہیں،وہ بنی گالہ اسلام آباد میں ہیں۔فرخ خان نے ٹویٹر پیغام میں کہا کہ سیاست میں اتنا نیچے نہیں گرنا چاہیے کہ لوگوں کی ذاتی زندگیوں سے متعلق جھوٹ بولےجائیں۔انہوں نے قوم کو حقیقت سے آگاہ کرتے ہوئے کہا کہ جھوٹ پر مبنی واٹس اپ میسجز کے ذریعے وزیراعظم اور خاتون اول کے بارے میں منفی پراپیگنڈہ کیا جا رہا ہے، بشری بی بی میرے گھر نہیں بلکہ اپنی رہائش گاہ بنی گالہ میں ہی موجود ہیں۔دوسری جانب معاون خصوصی شہباز گل نے خاتون اول کے بارے میں جھوٹی خبریں پھیلانے والوں کے خلاف قانونی چارہ جوئی کا اعلان کیا اور کہا خاتون اول ایک سال میں صرف ایک ہفتے کیلئے لاہور گئیں، پچھلے چند ماہ سے خاتون اول لاہور نہیں گئیں۔ سوشل میڈیا کا استعمال ضرور کریں مگر مخالفت میں اتنے دور نہ نکل جائیں کہ دوسروں کی ذاتی زندگی کو نشانہ بنائیں۔ دوسری جانب وفاقی کابینہ کے اجلاس میں وفاقی وزیر بریگیڈیئر (ر) اعجاز شاہ سوشل میڈیا پر وزیر اعظم عمران خان کے خلاف نامناسب مہم چلنے پر آبدیدہ ہوگئے۔نجی ٹی وی نے ذرائع کے حوالے سے دعویٰ کیا ہےکہ کابینہ اجلاس کے دوران اعجاز شاہ وزیر اعظم کے خلاف مہم پر آبدیدہ ہوگئے اور کہا کہ اتنی بری مہم آج تک کسی منتخب وزیر اعظم کے خلاف نہیں چلائی گئی ۔
